Tuesday, October 18, 2016

ახალგაზრდული იმიტირებული არჩევნების შედეგები

პროექტის ფარგლებში 8 ოქტომბრის საქართველოს საპარლამენტო არჩევნებამდე ათ დღის განმავლობაში საქართველოს 6 რეგიონის ქალაქებსა და სოფლებში ახალგაზრდული იმიტირებული არჩევნები ჩატარა .
არჩევნებში მონაწილეობა მიიღო 2945-მა მოსწავლემ,
მათ შორის:
1477 (50,15%) გოგონა და 1468 (49,85%) ვაჟი.
არჩევნებში მონაწილეობდა 6-დან 17 წლამდე ბავშვები და ახალგაზრდები. მონაწილეთა ასაკობრივი ჩაშლა იხილეთ სქემაზე:
იმიტირებული ახალგაზრდული არჩევნების შედეგები - საარჩევნო სუბიექტების მიერ მოპოვებული ხმების რაოდენობების მიხედვით, მკვეთრად განსხვავდება რეალური საპარლამენტო არჩევნების შედეგებისაგან. განსხვავების მთავარი მიზეზია ფაქტი, რომ მოსწავლეებმა განიხილეს საარჩევნო სუბიექტების პროგრამები ანონიმურად (სუბიქტის სახელის მითითების გარეშე).  სუბიექტების ანონიმურობა დაცული იყო ხმის მიცემის დროსაც. შესაბამისად - ერთადერთი კრიტერიუმი, რის მიხედვითაც მოსწავლეებმა გააკეთეს არჩევანი - საარჩევნო სუბიექტების პროგრამებია.


პროექტის "მეტი შგევიძლია" - U18  მეთოდით  ახალგაზრდული არჩევნების  ორგანიზების პროექტის განსახორციელებლად სიქამ ითანამშრომლა საქართველოს რეგიონულ არასამთავრობო ორგანიზაციებთან. პროექტის განხორციელებაში ჩაერთო ქუთაისის განათლების განვითარების და დასაქმების ცენტრი, სამოქალაქო განათლების პედაგოგთა ფორუმი, „ათინათი“, ბათუმის განათლების განვითარებისა და დასაქმების ცენტრი, ასოციაცია „ბილიკი“. ერთობლივი მუშაობის შედეგად საქართველოს 6 რეგიონის 25 სკოლაში, 6 არასამთავრობო ორგანიზაციასა და დემოკრატიული ჩართულობის ხუთ ცენტრში ჩატარდა  ახალგაზრდული იმიტირებული არჩევნები, რომელში 3 000-დე  ექვსიდან ჩვიდმეტ  წლამდე ახალგაზრდამ მიიღო მონაწილეობა. იმიტირებული არჩევნების ორგანიზებამდე სამოქალაქო განათლებისა და ისტორიის მასწავლებლების დახმარებით მოსწავლეები გაეცვნენ 6 საარჩევნო სუბიექტის პროგრამებს (ანონიმური პროგრამები დაეფუძნა  რეალური პარტიების საარჩევნო პროგრამებს), მოსწავლეებმა ჯგუფებში განიხილეს საარჩევნო სუბიექტების პროგრამები, იმსჯელეს ქვეყნის განვითარებისათვის პრიორიტეტულ მიმართულებებზე, მოაწყვეს დებატები.  იმიტირებული არჩევნების კომისიი


ს წევრები უფროსკლასელი მოსწავლეები იყვნენ. მოსწავლეებმა თავად დაამზადეს სახალისო საარჩევნო ყუთები, მოაწყვეს ხმის მისაცემი კაბინები, მოუწოდეს თანატოლებს აქტიურად ჩართულიყვნენ იმიტირებულ ახალგაზრდულ არჩევნებში. საარჩევნო პუნქტებში გამოიკრა ყველა საარჩევნო სუბიექტის პროგრამა, რათა ახალგაზრდებს უშუალოდ ხმის მიცემის წინ მისცემოდათ შესაძლებლობა კიდევ ერთხელ  გაეხსენებინათ სუბიქტების პროგრამები და მათ ანალიზის საფუძველზე გაეკეთებინათ არჩევანი. ქ. რუსთავში, გორში და კასპში 1 ოქტომბერს ორგანიზებულ ახალგაზრდულ იმიტირებულ არჩევნებს აკვირდებოდა პროექტის ხელმძღვანელი გერმანიიდან რომან ელსნერი.

Tuesday, September 13, 2016

ქართველი ფასილიტატორების სასწავლო ტური ბერლინში, U18 - ახალგაზრდულ არჩევნებზე დასწრება

7-10 სექტემბერს  დელეგაცია საქართველოდან ბერლინში U18 პროგრამის ფარგლებში ახალგაზრდულ არჩევნების მიმდინარეობას და შეჯამებას დაესწრო.

ქართული დელეგაცია, რომლის შემადგენლობაში შედიოდნენ რეგიონული კოორდინატორები,  უკრაინელ და რუს კოლეგებთან ერთად ეწვია ბერლინის სკოლებსა და ახალგაზრდულ ცენტრებს, გაეცნო ახალგაზრდული არჩევნების მიმდინარეობას. დაესწრო U18 არჩევნების შედეგების შეფასებას, არჩევნებში მონაწილე პარტიების წარმომადგენლების მიერ პარტიების პროგრამების პრიორიტეტების წარდგენას. გერმანელმა სამოქალაქო აქტივისტებმა და სამოქალაქო განათლების ექსპერტებმა დელეგაციის წევრებს გაუზიარეს მათი გამოცდილება ბავშვებისა და ახალგაზრდებისათვის სამოქალაქო და პოლიტიკური განათლების კუთხით.

ვიზიტი დაეხმარება პროექტის ქართველო მონაწილეებს უჯეთ განახორციელონ ახალგაზრდული არჩევნები საქართველოში.


Friday, July 22, 2016

გერმანელი ექსპერტების სამუშაო შეხვედრები ქართველი ფასილიტატორებთან

პროექტის ფარგლებში საქართველოს 6 რეგიონის პედაგოგები და რეგიონული პარტნიორი ორგანიზაციების წარმომადგენლები დაესწრნენ ორდღიან სამუშაო შეხვედრებს, სადაც გაეცვნენ U18 მეთოდიკას, პროგრამის მიმდინარეობას გერმანიასა და უკრაინაში.
5-6 ივლისს ტრენინგი ჩატარდა ქ. თბილისიში, რომელსაც დაესწრო ქ. რუსთავის, თბილისისა და გორის 15 პედაგოგი, 7-8 ივლისს - ქუთაისში ჩატარებულ სამუშაო შეხვედრებს დაესწრნენ პედაგოგები იმერეთის, აჭარისა და სამეგრელოს რეგიონებიდან. სამუშაო შეხვედრებს უძღვებოდნენ ფასილიტატორები გერმანიიდან რომან ელსნერი და დომინიკ ელგნერი და პროექტის კოორდინატორი უკრაინიდან ლუდმილა პარაშენკო.
ვორკშოპის მონაწილეები დაინტერესდნენ ახალი პროგრამით U18, იმუშავეს პროგრამის საქართველოს რეალობაზე მორგებისა და განხორციელების შესაძლებლობაზე.




პარტნიორი ორგანიზაციების წარმომადგენლების შეხვედრა თბილისში

25-27 აპრილს სიქა - საგანმანათლებლო ინიციატივების ქართულმა ასოციაციამ  უმასპინძლა უცხოელ პარტნიორებს პროექტის „მეტი შეგვიძლია! - ახალგაზრდობის სამოქალაქო მონაწილეობის გაძლიერების ხელშეწყობა უკრაინის, საქართველოსა და რუსეთის რეგიონებში“ მოსამზადებელი შეხვედრის ფარგლებში. სამუშაო შეხვედრებში მონაწილეობა მიიღეს პროექტში ჩართული პარტნიორი ორგანიზაციების წარმომადგენლებმა: 
- რომან ელსნერმა და ირინა ბუხარკინამ - არასამთავრობო ორგანიზაცია გერმანულ-რუსული გაცვლა DRA, ქ. ბერლინი, გერმანია;
- ლუდმილა პარაშენკომ, არასამთავრობო ორგანიზაცია Agency of Educational Policy Development, ქ. კიევი, უკრაინა;
- მაქსიმ ივანცოვმა , არასამთავრობო ინიციატივა School Projects , ქ. სანკტ-პეტერბურგი, რუსეთი;
- ინგა პაიჭაძემ , სიქა - საგანმანათლებლო ინიციატივების ქართული ასოციაცია.
შეხვედრაზე დეტალურად დაიგეგმა პროექტის "მეტი შეგიძლია" რომლის განხორციელება მიმდინარე წლის ზაფხულსა და შემოდგომაზე იგეგმება,
პროექტის ორგანიზატორები შეხვდნენ სამოქალაქო განათლების პედაგოგთა ფორუმის წარმომადგენელს ნინო გვარამაძეს. დაისახა ფორუმთან პროექტის ფარგლებში მომავალი თანამშრომლობის პერსპექტივები.